Шагнал гардуулах арга хэмжээ зохион байгуулагдлаа Дүүргийн Гэмт хэргээс урьдчилан сэргийлэх ажлыг зохицуулах салбар зөвлөлөөс “Байгалиа хамгаалъя” аяны хүрээнд зохион байгуулсан уралдааны шагнал гардуулах арга хэмжээг 2023 оны 05 дугаар сарын 12-ны өдөр амжилттай зохион байгууллаа. 4 төрлөөр зохион байгуулсан тус уралдаанд 169 бүтээл ирсэн бөгөөд шагналт байранд шалгарсан 12 оролцогч, нийт 1,390,000 төгрөгийн шагналын сангийн эзэд боллоо. Дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн нарийн бичгийн дарга М.Давааням уралдаанд оролцож, бүтээлээ ирүүлсэн бүх сурагчдад талархал илэрхийлэн, сурлагын өндөр амжилт хүслээ.