Иргэдийн өргөдлийг ажлын өдрүүдэд 08:30-12:30, 13:30-17:30 цагийн хооронд тус танхимд байрлах битүүмжлэлтэй хайрцганд хүлээн авч 14 хоног тутамд Улсын Их Хурлын Өргөдлийн байнгын хороонд уламжлан хүргэх юм. Иргэн та Улсын Их Хурлын бүрэн эрхэд хамаарах “Хууль, УИХ-ын бусад шийдвэрийг боловсронгуй болгох, шийдвэрийн хэрэгжилтэнд хяналт тавих, УИХ-д ажлаа шууд хариуцан тайлагнадаг байгууллагуудын шийдвэр, эрх зүйн актуудыг хянуулах зэрэг асуудлаар өргөдлөө гаргах юм. Мөн дүүргийн төр захиргааны байгууллагад хандан өргөдлөө ирүүлэх боломжтой.